Linog sa Buwan sa Kasingkasing

February 6, 2012.

Samtang nagtan-aw ug tv sa among balay kuyog akong mga igsoon, nikalit lang ug lihok ug yugyug ang
among gihimutangan. Henay hangtod nagkakusog daw naay mga nangaligid nga dagkong mga bato sa
ilawom sa among gibutangan. Human ang maong panghitabo, dali kaming nigawas sa among balay haron
sa pagpamalita sad sa mga kasilinganan kung ok raba sila, kay kusyog man sad jud ang maong linog, ug
kadto pasasd ako nakasulay ug ing-ato nga panghitabo.

Ug salamat sa Ginoo, walay dautang nahitabo sa mga kasilingan, nahikurat ang tanan ug ang ubang nangahadlok; aduna pay ginerbyos gihapon tungod sa kalit nga linog. Nisulod kami pagbalik sa balay haron
pagtiwas sa among gikanahap nga tulumanon sa telebisyon and "It's Showtime" sa kapamilya network.

Naghulat mi nga mabalita kun unsay gikusgon sa maong linog nga niigo sa among dapit atong adlawa.
Samtang nag-andam sad ko sa akong pagtambong sa trabaho, nagsige mi ug hulat sa mga mahimong update
sa linog. Ang iro ng gibilin sa among suud nga silingan kay wla nahimutang, ug nipasok didto sa kwarto nako nga akong nahiyatakan noon ang ikog samtang nag-ilis ko para sa pagtambong sa trabahoan. Nahakalitan
nalang ko sa kalit nga pagsyaget sa iro sa akong likod kay ako man lageng nayatakan ang ikog niini.

Sa dihang molakaw na unta ako, kalit ni-abot akong manghud nga gikan sa tulunghaan sa ACT ug nagbalita nako nga gipagawas daw ang mga trabahante sa IT Park sa mga building, pero instead nga dili nalang unta sa pagtrabaho, nilahos ko ug lakaw para sa pagduty anang adlawa. Samtang nagdagan ang akong gisakyan nga jeep paingon sa syudad sa Sugbu, busy au ang kadalanan, daghang estudyante sa mga dagkong unibersidad
nga naglakaw padolong sa ilang kabalayan kay nasuspende man ang mga klase ug ang ubang mga trabaho tungod sa kusog nga linog.

Pag-abot nako sa akong naugan, samtang galakaw padong sa IT Park, natingala ako sa akong nabatyagan
nga mga panghitabo kay, adunay mga nagdagan, ug adunay nagasyaget, ang uban nagahilak samtang nagpalayo sa mabolo nga bahin.. pag-abot nako sa may eskina sa Tesda, didto ra nako nasabtan ang tanan, naa kunoy tubig na sa may SM nga bahin tungod sa tsunami, pero instead nga moapil ko, nagpadyon nalng ako sa paglakaw nga sama rag walay nadungog ug walay kabalaka sa unsay mahitabo hangtod sa naabot ko sa opisina. Sa pag-abot nako sa opisina, didto nako nasabtan ug maayo nganu nga nagdaganay ug nagkagubot ang halos tibook syudad.. tungod ra diay sa balita nga nagsugod sa pasil nga area daw kuno naa na ang dakong balod or tsunami mao tong ang mga nakabalita namalita ug aduna poy taw nga nagsakay sa motorsiklo ang nagbalita sa mga tawo sa colon nga bahin nga maoy hinungdan sa pagdinaganay ug pagkagubot sa syudad. daghang nagahilak, nangaluya naay nangagool ug nangahadlok.

Nagsige mi ug update sa mga balita sa lalawigan mahitungod sa linog para usab aware mi sa mga nihitabo sa ubang area nga naigo sa linog. Nagpadayon mi ug trabaho, hangtod napamate namo nga niuyog ang tibook building nga nagpatarantar sa uban nakong kauban, ug nakadesisyon mi nga manguli nalng kay lisod na if mausban ang linog, bsn ug aftershock nalang ang among nahibatyagan, makusog pa ghapon kini.

Pag-abot sa balay, wala jud mahimutang ang mga tawo, nagsige ug istorya sa mga nahitabo anang hapon
sa iya iyang naeksperyensya sa kun diin sila didto, bisan ug naay kahadlok, nagsige na hinoon ug pangatawa
sa nihimong pagkaratol sa uban sa kanila tungod lage sa tsunami false alarm..

Sumala pa sa uban nakong amigo nga mao kunong galinog kay gikilig daw ang mother earth kay nagkadool namn sad ang valentines day..

Hayst.. Maingon, nga bisan ug naa na sa kakuyaw ang pinoy naa gihapoy kagwatsi nga gitagoan, katawa gihapon bisan ug nangahadlok na, ug saktan gihapon ug mga pasi-aw..